සාමාන්‍ය පෙළ සිසුන්ට හැදුනුම්පත් ලබාගත හැක්කේ තව සති දෙකක් පමණි

මෙතෙක් ජාතික හැඳුනුම්පත් ලබා නොගත් සිසුන් ඉදිරි සති දෙක අවසන් වීමට පෙර එම හැදුනුම්පත් ලබාගැනිමට කටයුතු කළ යුතු බව පුද්ගලයින් ලියාපදිංචි කිරීමේ දෙපාර්තමේන්තුව පවසයි. එම දෙපාර්තෙම්න්තුව පෙන්වා දෙන්නේ තවත් සිසුන් 50,000ක් පමණ ජාතික හැදුනුම්පත් ලබාගතයුතුව ඇති බවයි. හැදුනුම්පත් ලබාගැනීම සදහා ඉදිරිපත් ව ඇති අයදුම්පත් තුන්දහසක් පමණ විවිධ අඩුපාඩුකම් පවතින බැවින් නිවැරදි කිරීම් සඳහා නැවත යොමු කර ඇති බව ද එම දෙපාර්තමේන්තුව පවසයි. එම දෙපාර්තමේන්තුව සඳහන් කළේ ජාතික හැදුනුම්පත් ලබාගැනීම මේ වන විට අවසන් කළ යුතු වුව ද මෙතෙක් ඒ සඳහා ඉල්ලුම් නොකළ පාසල් පවතින බවයි.

අද මුහුද රළු වේ

යාපනයේ සිට ති‍්‍රකුණාමලය සහ පොතුවිල් හරහා ගාල්ල දක්වා වන වෙරළට ඔබ්බෙන් ගැඹුරු සහ නොගැඹුරු මුහුදු ප‍්‍රදේශවල සුළං වේගය පැයට කිලෝමීටර් 50ත් 60ත් අතර ඉහළ යා හැක. මේ නිසා එම මුහුදු ප‍්‍රදේශ විටින් විට රළු විය හැක.

මිරියබැද්ද නායයාම

කොස්ලන්ද - මීරියබැද්ද ප‍්‍රදේශයේ ඔක්තෝබර් 29 වනදින උදෑසන සිදුවූ නායයෑමෙන් පස්වලට යටවූ පුද්ගලයන් 10 දෙනෙකුගේ මෘත ශරීර මේ වනවිට සොයා ගෙන ඇත.

ගලගොඩඅත්තේ ඥානසාර හිමිට රුපියල් ලක්ෂයක ශරීර ඇප

කොටුව මහේස්ත්‍රාත් අධිකරණය අසලදී නිතිඥ මෛත්‍රී ගුණරත්න මහතාට බැනවැදුනේ යැයි ඒ මහතා විසින් පොලිසියට කළ පැමිණිල්ල විභාග කල කොටුව මහේස්ත්‍රාත් තිලිණ ගමගේ බොදු බල සේනා සංවිධානයේ ලේකම් ගලගොඩඅත්තේ ඥානසාර හිමි රුපියල් ලක්ෂයක ශරීර ඇප මත මුදා හැරීමට ඊයේ (20) නියම කළේය.

බණ්ඩාරවෙලදී බස් රථයක් ප‍්‍රපාතයකට පෙරලේ

බණ්ඩාරවෙල, උඩමල්වත්ත ප‍්‍රදේශයේ දී බස් රථයක් අඩි 20ක් පමණ ප‍්‍රපාතයකට පෙරලීමෙන් අද පෙරවරුවේ සිදුවූ අනතුරින් තුවාල වූ සංඛ්‍යාව 45 දෙනකු දක්වා ඉහළ ගොස් තිබේ. ඉන් තිදෙනකුගේ තත්ත්වය බරපතළ වන අතර කුඩා ළමුන් තිදෙනෙකු ද තුවාල ලැබූවන් අතර වේ. 

දීපවාලියට සුරාසැල් වැසේ

දීපවාලි උත්සවය නිමිත්තෙන් හෙට (22) දිවයිනේ සියලු සුරාසැල් වසාදැමීමට තීරණය කර තිබේ. සුරාබදු දෙපාර්තමේන්තුවේ මාධ්‍ය ප්‍රකාශක ප්‍රභාත් ජයවික්‍රම මහතා පැවසුවේ සුරාබදු කොමසාරිස් ජනරාල් වසන්ත හපුආරච්චි මහතා විසින් ඊට අදාළව නියෝගයක් නිකුත් කර ඇති බවයි.

බෙංගාල බොක්ක මුහුදු ප්‍රදේශයේ කැළබීමක්

දිවයින අවට මුහුදු ප්‍රදේශයේ බෙංගාල බොක්ක මුහුදු ප්‍රදේශයේ ගිනිකොන දෙසින් අඩුපීඩන කලාපයක් වර්ධනය වී ඇති බැවින් දිවයිනට නැඟෙනහිර දෙසින් වන ගැඹුරු සහ නොගැඹුරු මුහුදු ප්‍රදේශවල කාළගුණයට අද සිට බලපෑම් ඇති කරන බව කාලගුණවිද්‍යා දෙපාර්තමේන්තුව පවසයි.

2015 අයවැය ඔක්තෝම්බර් මස 24 වන දින පාර්ලිමේන්තුවට

2015 අයවැය ඔක්තෝම්බර් මස 24 වන දින පාර්ලිමේන්තුවට ඉදිරිපත් කිරීමටත් 25 වැනිදා සිට විවාදය ආරම්භ කිරීමටත්, ඔක්තෝබර් 30 වැනිදා දෙවන වර කියවීමත් නොවැ. 18 වැනිදා තෙවැනි වර කියවීමත් නියමිත බව, ආණ්ඩු පක්ෂයේ ප්‍රධාන සංවිධායක අමාත්‍ය දිනේෂ් ගුණවර්ධන මහතා පවසයි.

කොළඹ මැරතන් තරඟයට සියල්ල සුදානම්

කොළඹ මැරතන් තරඟය සඳහා සියලු කටයුතු සූදානම් කෙරේ.එය හෙට (5) කොළඹ සිට මීගමුව දක්වා පැවැත්වෙයි. තරඟයට කී‍්‍රඩක කී‍්‍රඩිකාවෝ 6000 ක් සහභාගී වෙති. ශ්‍රී‍්‍ර ලන්කන් එයාර් ලයින් සමාගමේ ප‍්‍රධාන අනුග‍්‍රහය යටතේ පැවැත්වෙන තරඟාවලියේ මෙවර ත්‍යාග ප‍්‍රමාණය ඇමරිකා ඩොලර් පනස් දහකි.

යාල වනෝද්‍යානය නැවතත් වසාදැමේ

යාල වනෝද්‍යානය අද (04) සිට ලබන 16දින දක්වා නැවතත් වසා තැබීමට තීරණය කළ බව වනජිවි අධ්‍යක්ෂ ජනරාල් එච්. ජී රත්නායක මහතා පැවසීය. වනෝද්‍යානය ආශ‍්‍රිත ප‍්‍රදේශයේ පවතින දැඩි නියං සහිත කාලගුණ තත්ත්වය හේතුවෙන් මෙම පියවර ගත් බව ඔහු  කියා සිටියේය. 

ඌව පළාත් සභාවේ ඇමැතිවරු දිවුරුම් දීම අද

ඌව පළාත් සභාවේ මහ ඇමැති සහ මැති ඇමැතිවරු ජනාධිපති මහින්ද රාජපක්ෂ මහතා ඉදිරියේ ජනාධිපති කාර්යාලයේ දී අද (30) දිවුරුම් දීමට නියමිතයි. ශෂීන්ද්‍ර රාජපක්ෂ මහතා මෙවරත් පළාත් මහ ඇමැතිවරයා වශයෙන් ජනාධිපතිවරයා ඉදිරියේ දිවුරුම් දෙනු ඇත. 

ශිෂ්‍යත්ව විභාගේ ප්‍රතිපල නිකුත්වේ

මෙවර ශිෂ්‍යත්ව විභාගේ දිවයිනේ වැඩිම ලකුණු ලබාගෙන ඇත්තේ ඇඹිලිපිටිය කණිෂ්ඨ විද්‍යාලයේ ඩබ්ලිව්. ඒ. වේනුජ නිම්සත්(ලකුණු 199) වන අතර දෙවන ස්ථානය පොළොන්නරුව රාජකීය කණිෂ්ඨ විද්‍යාලයේ මාලක නෙත්මාල් (ලකුණු සංඛ්‍යාව 198ක්) හිමිකර ගැනීමට සමත් වී ඇත. 

ජාතික හැඳුනුම්පත් ප්‍රමාද වීමේදී විමසීමට නව දුරකථන අංක

  ජාතික හැඳුනුම්පත් නිකුත් කිරීම ප්‍රමාද වී ඇති ඉල්ලුම්පත්‍ සම්බන්ධයෙන් තොරතුරු විමසීමට විශේෂ දුරකතන අංකයක් සහ ෆැක්ස් අංක දෙකක් පුද්ගලයින් ලියාපදිංචි කිරීමේ දෙපාර්තමේන්තුව විසින් හඳුන්වා දෙයි. 011-2555616, 011-2506458යන දුරකථන අංකවලින් හෝ 011-2593634 ෆැක්ස් අංකයෙන් ප්‍රමාද වූ ජාතික හැදුනුම්පත් සම්බන්ධ කරුණු විමසීමට හැක. 

කිරිපිටි දැන්වීම් පිළිබඳව සොයා බැලීමට කමිටුවක්

  කිරිපිටි දැන්වීම් යළි ප්‍රචාරය කිරීම පිළිබඳව සොයා බැලීම සඳහා විශේෂ කමිටුවක් පත් කිරීමට සෞඛ්‍ය සේවා අධ්‍යක්ෂ ජනරාල් වෛද්‍ය පාලිත මහීපාල මහතා තීරණය කර තිබේ.

  පත් කළ විශේෂ කමිටුව වාර්තාවක් ලබා දෙනතුරු සියලුම මාධ්‍යවලින් කිරිපිටි දැන්වීම් ප්‍රචාරය කිරීම තාවකාලිකව අත්හිටුවන ලෙස මාධ්‍ය ආයතනවලින් ඉල්ලා සිටින බවද අධ්‍යක්ෂ ජනරාල්වරයා ප්‍රකාශ කළේය. 

අද මහනුවර ප්‍රදේශ කිහිපයකට නල ජලය නෑ

  පොල්ගොල්ල වේල්ලෙහි නඩත්තු කටයුතු සඳහා ජල සැපයුම අද (28) පෙ.ව 06.00 සිට ප.ව 06.00 දක්වා මහනුවර අවට ප්‍රදේශ කිහිපයකට අත්හිටුවන බව ජල සම්පාදන හා ජලාපවහන මණ්ඩලය පවසයි.

  එම මණ්ඩලය නිවේදනයක් නිකුත් කරමින් සඳහන් කළේ පොල්ගොල්ල ජලාශය හිස් කරන බව ශ්‍රි ලංකා මහවැලි අධිකාරිය දැනුම් දී තිබෙන බැවින්

එක්සත් ජාතීන්ගේ සංවිධනයේ මහා සමුළුව ඇරඹේ

එක්සත් ජාතීන්ගේ සංවිධනයේ මහා සමුළුව සජීවීව නැරඹීමට....

වෙඩි වැදී වන අලියෙකු මියයයි

මුත්තූර් ප්‍රාදේශීය ලේකම් කොට්‌ඨාසයට හා සේරුනුවර පොලිස්‌බල ප්‍රදේශයට අයත් සෝමපුර කාංගවේලි ප්‍රදේශයේදී වෙඩි වැදී මියගොස්‌ සිටි දැවැන්ත වල් අලියකු 23 දා උදැසන සොයාගත් බව, සේරුනුවර පොලිසිය සඳහන් කර සිටී. උස අඩි 9 ක්‌ පමණ වූ වයස අවුරුදු 30 ක්‌ 35 ක්‌ අතර වන මෙම අලියා මියගොස්‌ ඇත්තේ ටී 56 වැනි ගිනි අවියකින් තැබූ වෙඩි පහරවල් 6 ක්‌ වැදීමෙන් බව, පරීක්‍ෂා කිරීමේදී පැහැදිළි වී ඇත. 

මාවනැල්ල වෙළඳසැල් පෙළක ගින්නක්

මාවනැල්ල නගරයේ බස් නැවතුම්පොල ඉදිරිපිට වෙළඳසැල් පෙළක ඇතිවූ ගින්නකින් වෙළඳසැල් 17 කට හානි සිදුව තිබේ. පොලිස් මාධ්‍ය ප‍්‍රකාශක කාර්යාලය සඳහන් කළේ අද උදෑසන 10.30 ට පමණ ඇති වූ මෙම ගින්නෙන් වෙළඳසැල් 5 ක් සම්පූර්ණයෙන්ම විනාශ වී ඇති බවය. ගින්න මේ වනවිට පාලනය කර ඇති අතර, ඊට හේතුව විදුලි කාන්දුවීක් බව වාර්තාවේ. විනාශ වූ වත්කම් වල සක්සේරුවක් මෙතෙක් සිදු කර නොමැත.

ඌව පළාත් සභා මැතිවරණයේ මනාප ප්‍රතිපල

බදුල්ල දිස්ත්‍රික්කයෙන් තරඟ වැදුණු හරීන් ප්‍රනාන්දු මන්ත්‍රීවරයා වාර්තාගත මනාප සංඛ්‍යාවක් ලබාගනිමින් ඌව පළාත් සභා මැතිවරණයේ පළමු ස්ථානයට පත්ව සිටී. හරීන් ප්‍රනාන්දු මනාප 173993 ලබාගෙන ජයග්‍රහනයකොට තිබේ.එය 88% ඉක්මවා යන මනාප ප්‍රතිශතයකි. 

මොණරාගල දිස්ත‍්‍රික්කයේ වැඩිම මනාප හිටපු මහ ඇමති ශෂීන්ද්‍ර රාජපක්‍ෂ මහතා විසින් ලබාගෙන තිබේ. ඒ මනාප 96,619 ක් ලබා ගනිමිනි.

ඌව පළාත් සභා මැතිවරණයේ ජය එක්සත් ජනතා නිදහස් සන්ධානයට

ඌව පළාත් සභා මැතිවරණයේ ජය එක්සත් ජනතා නිදහස් සන්ධානය සතු විය. එක්සත් ජනතා නිදහස් සන්ධානය ඡන්ද 349,906 (51.25%) ලබා ප්‍රසාද මන්ත්‍රී ආසන 2 සමග ආසන 19ක් හිමිකරගෙන ඇත. එක්සත් ජාතික පක්ෂය ඡන්ද 274,773 (40.24%) ලබා ආසන 13ක්ද ජනතා විමුක්ති පෙරමුණ ඡන්ද 36,580 (5.36%) ලබා ආසන 2ක්ද හිමි කරගෙන ඇත. 

ඉදිකිරීමට යෝජිත Colombo Port City

ඉදිකිරීමට යෝජිත Colombo Port City හි සැලසුම...(Pictures)

මොණරාගල භූකම්පනයක්

ඊයේ අලුයම 5.08ට පමණ මොණරාගල දිස්තික්කයේ ඇතිමලේ හා සියඹලාණ්ඩුව ප්‍රදේශයන්හි රිච්ටර් මාපක 2.1ක ඉතා සුළු භූ චලනයක් වාර්තා වූ බව, භූවිද්‍යා හා පතල් කැණීම් කාර්යංශය කියයි. භූකම්පනය නිසා කිසිදු හානියක් වාර්තා නොවූ බව, ආපදා කලමණාකරණ දෙපාර්තමේන්තුව පවසයි.

කලම්බෝ පෝට් සිටි ඉදි කිරීම ආරම්භ වේ

ගාලු මුවදොර ආසන්න මුහුදේ අක්කර 500කට වැඩි ප්‍රමාණයක් ගොඩකරමින් ඉදි කරන නව වරාය නගරයේ ඉදිකිරීම් කටයුතු ජනාධිපති මහින්ද රාජපක්ෂ සහ චීන ජනාධිපති ෂී ජින් පින්ග් ගේ ප්‍රධානත්වයෙන් ඊයේ (17)දා ආරම්භ විය.

කිරිපිටි දැන්වීම් ප්‍රචාරය තාවකාලිකව අත්හිටුවයි

සියලුම කිරිපිටි දැන්වීම් ජනමාධ්‍ය තුළ ප්‍රචාරය කිරීම තාවකාලිකව අත්හිටුවීමට තීරණය කළ බව, සෞඛ්‍ය සේවා අධ්‍යක්ෂ ජනරාල් වෛද්‍ය පාලිත මහීපාල මහතා පවසයි. 

විදුලිය, ඩීසල්, පෙට්රල්, භූමිතෙල් මිල පහලට

ඊයේ සිට ක්‍රියාත්මක වන පරිදි විදුලි බිල 25%කින් අඩු කිරීමට කටයුතු කෙරේ. නමුත් මෙය ක්‍රියාත්මක වන්නේ ලබන මස විදුලි බිල සමගය. බිලෙහි අවසන් වටිනාකමින් 25% කපා හැරේ. මෙම මසට එසේ අඩු විය යුතු මුදලත් ලබන මස විදුලි බිලෙන්ම අඩුවේ. 

තමාරා කේෂානි දැරිය පැහැර ගැනීමේ ප‍්‍රධාන සැකකරු අත්අඩංගුවට

තමාරා කේෂානි බණ්ඩාර විජේකෝන් දැරිය පැහැර ගැනීමේ සිද්ධියට සම්බන්ධ ප‍්‍රධාන සැකකරු, ප්‍රදේශවාසීන්ගේ සහය මත පොලිසිය විසින්අද අත්අඩංගුවට ගෙන ඇත.

මයිකල් ශූමාකර් රෝහලින් නිවසට

කෝමා තත්ත්වයකින් පසුවූ 45හැවිරිදි ලෝක මෝටර් රථ ධාවන ශූර මයිකල් ශූමාකර් සිය නිවසට පැමිණ ඇත. නිවසේ සිට ඔහුට තවදුරටත් ප්‍රතිකාර කිරීමට නියමිතය. 

ඌව මැතිවරණ ප‍්‍රචාරක කටයුතු 17 වැනිදා මධ්‍යම රාති‍්‍ර 12.00න් අවසන්

ඌව පළාත් සභා මැතිවරණය ලබන 20 වනදා පැවැත්වීමට නියමිතය. ඒ අනුව මැතිවරණයට අදාළව සියලූම ප‍්‍රචාරක කටයුතු ලබන 17 වැනිදා මධ්‍යම රාති‍්‍ර 12.00 න් පසු නතර කළ යුතු බව, මැතිවරණ මහ ලේකම් කාර්යාලය පවසයි.

උසස් පෙළ ඇගයීම් කටයුතු පැවැත්වෙන පාසල් සැප්. 27 තෙක් වැසේ

මෙවර අ.පො.ස. උසස් පෙළ විභාගයේ දෙවන අදියරේ ඇගයීම් කටයුතු පැවැත්වෙන පාසල් 07ක් සැප්තැම්බර් 14 දින සිට සැප්තැම්බර් 27 තෙක් සම්පූර්ණයෙන් වසා තැබීමට අධ්‍යාපන අමාත්‍යාංශය පියවර ගෙන ඇත.

බෙල්ලන්විල අවසන් මහ පෙරහර අද

බෙල්ලන්විල ඇසළ පෙරහර මංගල්‍යයේ අවසන් මහ පෙරහර අද රාත්‍රී වීදි සංචාරයකෙරේ. හෙට දිය කැපීමේ උත්සවය හා දේව දානය පැවැත්වෙන අතර, ඉන් බෙල්ලන්විල ඇසළ පෙරහර මංගල්‍යයේ සියලු කටයුතු නිමාවට පත්වේ.

දක්ෂිණ අධිවේගි මාර්ගයේ බස් රථ අනතුර

අද දහවල් 12.00 ට පමණ දක්ෂිණ අධිවේගි මාර්ගයේ ගාල්ල පින්නදූව පිටවීමේ දොරටුව අසළ දි සිදුවු බස් රථ අනතුරෙන් පුද්ගලයින් 14 දෙනෙකු තුවාල ලබා ඇත.

තුවාලකරුවන් ගාල්ල කරාපිටිය රෝහලට ඇතුළත් කරන ලදී.

තෙවන එක්දින තරගයේ ජය ශ්‍රී ලංකාවට

ශ්‍රී ලංකාව සහ පකිස්ථානය අතර රන්ගිරි දඹුලු ක්‍රීඩාංගනයේ පැවති තෙවන එක්දින ක්‍රිකට් තරඟයෙන් ඉතා විශිෂ්ට ජයක් හිමිකර ගැනීමට ශ්‍රී ලංකා කණ්ඩායම සමත් විය. 

 පළමුවෙන් පන්දුවට පහරදුන් පකිස්ථාන ක්‍රීඩකයෝ පන්දුවාර 32.1 ක් තුලදී සියල්ලන්ම දැවි ලකුණු 102 ක් ලබා ගන්නා ලදී.

දයාසිරි ජයසේකරට හදිසි හෘදයාබාධයක්

වයඹ ප්‍රධාන අමාත්‍යය දයාසිරි ජයසේකර හට ඇතිවූ හදිසි හෘදයාබාධයක් හේතුවෙන් 28 වනදා බදුල්ල මහා රෝහලට ඇතුළත්කොට ඇත. ඉන්පසු මුලික ප්‍රතිකාර වලින් අනතුරුව ප්‍රධාන අමාත්‍යවරයා රෝහලින් පිටව ගොස් ඇති අතර, විවේක සුවයෙන් පසුවන ලෙස වෛද්‍යවරුන් විසින් පවසා ඇතැයි වාර්තා වේ.

සිරියානු ත්‍රස්තවාදීන් තවත් පිලිපීන ජාතික ජගත් සාමසාධක භටයන් පිරිසක් වටකරයි

සිරියානු ගෝලාන් කඳුකරයේදී ෆීජී ජාතික ජගත් සාමසාධක භටයන් 43 දෙනෙකු සිරියානු ත්‍රස්තවාදීන්ගේ ග‍්‍රහණයට නතුවී පැය කිහිපයක් යන්නටත් පෙර තවත් පිලිපීන ජාතික ජගත් සාමසාධක භටයන් 75 දෙනෙකු ත්‍රස්තවාදීන් විසින් වටකර ඇත. 

2013 සාමාන්‍ය පෙළ විභාගයේ නැවත සමීක්ෂණ ප්‍රථීඵල අන්තර්ජාලයට

2013 අධ්‍යයන පොදු සහතික පත්‍ර සාමාන්‍ය පෙළ විභාගයේ නැවත සමීක්ෂණ ප්‍රථීඵල අන්තර්ජාලයට මුදා හැර ඇති බව විභාග දෙපාර්තමේන්තුව පවසයි. විභාග දෙපාර්තමේන්තු වෙබ් අඩවිය වන www.doenets.lk මගින් මෙම ප්‍රථීඵල ලබා ගතහැක.

උසස්පෙළ පිළිතුරු පත‍්‍ර ඇගයීම නිසා වැසෙන පාසල්

උසස් පෙළ විභාගයේ පිළිතුරු පත‍්‍ර ඇගයීම් කටයුතු මේ මස 30 වැනිදා සිට ලබන මස 12 වැනිදා දක්වා සිදු කිරීමට නියමිතය. ඒ සදහා සම්පූර්ණයෙන්ම වසා දමන පාසල් 10 සැප්තැම්බර් 15 වැනිදා ආරම්භ කෙරේ. පන්ති කාමර පමණක් වසන පාසල් 11 සැප්තැම්බර් 12 වැනිදා විවෘත කෙරේ. 

පිළිතුරු පත‍්‍ර ඇගයීම් සඳහා සම්පූර්ණයෙන් වසා දැමෙන පාසල් වන්නේ

අපි‍්‍රකානු රටවල් 9කට විසා නැත

පෙර තහනම් කල අපි‍්‍රකානු රටවල් 4ට අමතරව තවත් රටවල් පහකින් පැමිණෙන්නන් හට විසා ලබා නොදීමට සෞඛ්‍ය අමාත්‍යාංශය කළ ඉල්ලීමක් අනුව විදේශ කටයුතු අමාත්‍යාංශය විසින් මෙම තීරණය ගෙන ඇත. ඒ අනුව ගිනියාව, ලයිබිරියාව, සියරාලියෝන්, නයිජීරියා, කෙන්යා, ගිනිබිසව්, සූඩානය, උගන්ඩාව, කොන්ගෝ යන රටවලින් පැමිණෙන පුද්ගලයින් සඳහා ගුවන්තොටුපලේදී වීසා නිකුත් කිරීම අත්හිටුවා ඇත.

ජනාධිපති කොමිෂන් 17කට ගිය වියදම කෝටි 27යි

ජනාධිපති මහින්ද රාජපක්ෂ 2005දී බලයට පත්වීමෙන් පසු මේ වනවිට පත්කර ඇති කොමිෂන් ගණන 17කි. ඒවා සඳහා වියදම් කර ඇති මුදල රු. 27 කෝටි විසිහත් ලක්ෂයක් (රු. 272,700,000.00 )බව වාර්තාවේ. එනම් එක් කොමිසමක් වෙනුවෙන් වැය කර ඇති මුදල කෝටි එක හමාරකට අධිකය.

පිටකොටුව පාවෙන වෙළදපොල විවෘත කිරීම කල් යයි

22 වනදාට දිනට යෙදී තිබුණු පිටකොටුව බස්තියන් මාවතේ පාවෙන වෙළදපොල විවෘත කිරීම අගෝස්තු 25 දක්වා කල් යයි.

දිස්ත‍්‍රික්ක කිහිපයකට කඩාවැටීම් සම්බන්ධයෙන් වන අවධානම් නිවේදනයක්

පවතින අයහපත් කාලගුණ තත්වය නිසා දිස්ත‍්‍රික්ක කිහිපයකට ආපදා කළමනාකරණ මධ්‍යස්ථාන, කඩාවැටීම් සම්බන්ධයෙන් වන අවධානම් නිවේදනයක් නිකුත් කර තිබෙනවා. 

අපි‍්‍රකානු රටවල් 4කට වීසා නිකුත් කිරීම නවතයි

අපි‍්‍රකානු රටවල් 4ක් වන නයිජීරියාව, ගිනියා, සියරා-ලියොන් සහ ලයිබීරියා යන රටවලින් පැමිණෙන පුද්ගලයින් සඳහා ගුවන්තොටුපලේදී වීසා නිකුත් කිරීම අත්හිටුවා ඇති බව විදේශ කටයුතු අමාත්‍යාංශය පවසයි. බටහිර අපි‍්‍රකානු රටවල පැතිරයන එබෝලා වෛරසය හේතුවෙන් සෞඛ්‍ය අමාත්‍යාංශයෙන් ලබාදුන් නිර්දේශ අනුව මෙය ක්‍රියාත්මකයි.

Lanka super Diesel 4 star වෙළදපොලට

දැනට පවතින Lanka super Diesel වෙනුවට, නව ඩීසල් ප‍්‍රභේදයක් Lanka super Diesel 4 star නමින් 22වනදා සිට ඛනිජ තෙල් කර්මාන්ත අමාත්‍යංශය වෙළෙඳපොළට හඳුන්වාදෙයි. මෙහි ලීටරයක මිල රු.145 කි. එනම් පැවති Lanka super Diesel වල මිලමය.

තවත් නියෝජ්‍ය අමාත්‍යවරුන් දෙදෙනෙකු පත්වේ

තවත් නියෝජ්‍ය අමාත්‍යවරුන් දෙදෙනෙකු ජනාධිපති ඉදිරියේ 21වනදා පෙරවරුවේ දිවුරුම් දෙනු ලැබුවා. ජාතික භාෂා සහ සමාජ ඒකාබද්ධතා නියෝජ්‍ය අමාත්‍යවරයා ලෙස කම්කරු ජාතික සංගමයේ නායක නුවරඑළිය දිස්ත‍්‍රික් පාර්ලිමේන්තු මන්ත‍්‍රී පී. දිගම්බරන් හා විදුලි සංදේශ හා තොරතුරු තාක්ෂණ නියෝජ්‍ය අමාත්‍යවරයා ලෙස ප‍්‍රජාතන්ත‍්‍රවාදී ජනතා කොංග‍්‍රස් නායක කොළඹ දිස්ත‍්‍රික් පාර්ලිමේන්තු මන්ත‍්‍රී ප‍්‍රභා ගනේෂන් පත්ව සිටි.

කොළඹ නගරයේ මාර්ග කිහිපයක් වැසේ

මාර්ග අලුත්වැඩියා කටයුත්තක් හේතුවෙන් 20වනදා සිට දින 6ක් කොළඹ ප්‍රදේශ කිහිපයක මාර්ග කිහිපයක් වසා දැමේ. ඒ අනුව ප.ව. 8.30 සිට පෙ.ව. 5.30 දක්වා ගාලු පාර, ගාලු මුවදොර, ලෝටස් පාර, සෙරමික් හන්දිය, බැංකු මාවත, ජනපති මාවත, චෛත්‍ය පාර, ගලධාරි අසළින් පාර වසා දැමීමට තීරණය කර ඇති බව පොලිස් මාධ්‍ය ප්‍රකාශක කාර්යාලය සඳහන් කරයි.

රුපියල් කෝටි හයක් වටිනා රත්තරන් අත්අඩංගුවට

නීති විරෝධී ලෙස ඉන්දියාවට යැවීමට සූදානම් කර තිබූ රුපියල් කෝටි හයක් පමණ වටින රත්තරන් කිලෝ 12කට ආසන්න ප්‍රමාණයක් සමග සැකකරුවන් තිදෙනකු තලෙයිමන්නාරම ‍පොලීසිය විසින් අත්අඩංගුවට ගෙන ඇත. අත්අඩංගුවට ගත් සැකකරුවන් දෙදෙනකු පුත්තලමේ පදිංචිකරුවන් වන අතර, එක් අයෙකු කොළඹ පදිංචිකරුවෙක්ය .

හිරෝෂිමා නායයෑම්වලින් මියගිය සංඛ්‍යාව ඉහලට

ජපානයේ හිරෝෂිමා නගරයේ පසුගියදා සිදු වූ නායයෑම්වලින් මේවන විට සිදුව ඇති පුද්ගල මරණ සංඛ්‍යාව 39 දක්වා ඉහළ ගොස් ඇත. තවද අතුරුදහන්වුවන් 47ක් සොයා තවදුරටත් මුදාගැනීමේ මෙහෙයුම් ක්‍රියාත්මකයි.

බදුල්ලේ හෙක්ටයාර් 794 ක් ගින්නට

බදුල්ල දිස්ත්‍රික්කයට බලපා ඇති දැඩි නියඟය හේතුවෙන් කැලෑ බිම් හෙක්ටයාර් 794 ක් ගිනිගෙන විනාශ වී තිබේ. මෙලෙස වන සංරක්ෂණ දෙපාර්තමේන්තුවේ වන වගා හෙක්ටයාර් 244 ක්, වතු සමාගම් සතු ඉඩම් හෙක්ටයාර් 155 ක් හා පුද්ගලික ඉඩම් හෙක්ටයාර් 263 ක් ගිනි ගෙන විනාශ වී ඇතැයි, වන සංරක්ෂණදෙපාර්තමේන්තුව පවසයි.

ප්‍රංශ සවාරිය.

01 වැනි ලෝක ප්‍රසිද්ධ ප්‍රංශ බයිසිකල් සවාරිය ජුලි මස 06 වෙනිදා ආරම්භ කර අදියර 21 කින් පසු ජුලි   27 වැනි ඉරිදා ලෝකයේ ලස්සනම මාවත ලෙස සැලකෙන ප්‍රංශයේ අගනුවර පැරීසියේ පිහිටි ඇවනිව් ෂොම් සෙලිසේ මාවතේ වට 10ක් ගමන් කරමින් අවසන් විය.

කිලෝමීටර 3656 ක් ගමන් කිරීමට සවාරියට ගතවූ කාලය

බිළිදු දරුවන්ගේ බඩ ගෑමේ තරගයක්.

බිළිදු දරුවන්ගේ තරගයක් නිව්යෝර්ක් නුවරදී ඊයේ පැවැත්විය. එහිදී වේගයෙන්ම බඩ ගෑ බිළිදා තෝරා ගැනීම සිදු කෙරුණා.

විභාග දිනවල රැස්වීම් - ශබ්ද විකාශන තහනම්

ඌව පළාත් සභාවට අයත් මොණරාගල හා බදුල්ල දිස්ත්‍රික්කවල උස්ස පෙළ, පහේ ශිෂ්‍යත්ව යන විභාගය පවත්වන මධ්‍යස්ථාන හා පාසල් අසල විභාගපැවැත්වෙන කාල සීමාව තුළ දේශපාලන ප්‍රචාරක රැස්වීම් සඳහා ශබ්ද විකාශනයන්ත්‍ර යොදා ගැනීම හෝ රැස්වීම් පෙළපාළි යාම සපුරා තහනම් බව, මැතිවරණකොමසාරිස් දෙපාර්තමේන්තුව පවසයි.

නියඟයෙන් පීඩාවූවන්ට රුපියල් කෝටි 132ක්

නියඟය නිසා පීඩාවට පත් ජනතාවට සහන සැලසීමට රුපියල් කෝටි 132ක පමණමුදලක් වෙන්කර ඇතැයි මුදල් හා ක්‍රමසම්පාදන අමාත්‍යාංශය පවසයි.

මේ වන විටත් නියඟය නිසා පීඩාවට පත්වූවන්ට රුපියල් මිලියන 394.4ක මුදලක්වැය කර සහන සලසා ඇති අතර

එබොලාට බිලි වූ දොස්තර අමෙරිකාවට.

එබොලා වෛරසය ආසාදනය වූ අමෙරිකානු වෛද්‍යවරයා එරටට රැගෙන යයි. ඇට්ලන්ටා ප්‍රදේශයේ පිහිටි විශේෂඥ ප්‍රතිකාර ඒකකයට ඔහු ඇතුළත් කෙරුණු බව, මාධ්‍ය වාර්තා සදහන් කරයි.

වෛද්‍ය කෙන්ට් බ්‍රැන්ට්ලි, මෙවැනි රෝගීන් සදහා විශේෂයෙන් සකස් කළ ගුවන් යානයකින් අමෙරිකාවට

ගාසා අර්බුදයට දැන් සති තුනයි.

ගාසා තීරයේ යුද මෙහෙයුම් තවදුරටත් ක්‍රියාත්මක කරන බව ඊශ්‍රායල් අගමැති බෙන්ජමින් නෙතන්යාහූ පවසයි.

තම රටවැසියන්ගේ ආරක්ෂාව තහවුරු වන තෙක් එය නතර නොකරන බව, ඔහු අවධාරණය කරයි. ඊශ්‍රායලයට එල්ල කරන ප්‍රහාර සම්බන්ධයෙන් පලස්තීනයට දරාගත නොහැකි තරමේ වන්දියක් ගෙවීමට සිදුවනු ඇතැයි අගමැතිවරයා