අද පෙරවරුවේ ජනාධිපති මහින්ද රාජපක්ෂ මැතිතුමාගේ ප්‍රධානත්වයෙන් ආරම්භ වූ පක්ෂ නායක රැස්වීමේදී ජනාධිපතිවරයා මේ බව, දැනුම්දී ඇත. එළඹෙන ජනවාරි මස ජනාධිපතිවරණය පැවැත්වීමට රජය විසින් සැලසුම් කර ඇති බැවින් මෙවර අයවැය කල්වේලා ඇතිව පාර්ලිමේන්තුවට ඉදිරිපත් කිරීමට කටයුතු කෙරෙන බව සඳහන්ය. 2015 වසර වෙනුවෙන් රජයේ ආදායම් සහ වියදම් ඇස්තමේන්තු ඇතුළත් විසර්ජන පනත් කෙටුම්පත පසුගියදා අග්‍රාමාත්‍ය දි.මු. ජයරත්න මහතා විසින් පාර්ලිමේන්තුවට ඉදිරිපත් කළ අතර ලබන වසර වෙනුවෙන් රජය වියදම් කිරීමට සැලසුම් කර තිබෙන මුදල 2014 වසරට සාපේක්ෂව 17%න් පමණ ඉහළ දමා ඇත.
